बैतडी : बैतडीको मेलौलीमा जेठ १ गतेदेखी बृहत स्वराड बैतडी संस्कृतिक महोत्वस तथा व्यापार मेला हुने भएको छ । पर्यटन विकास मञ्चको आयोजना तथा मेलौली नगरपालिका र पञ्चेश्वर गाउँपालिको सहयोगमा महोत्वस आयोजना हुने लागेको भोजराज जोशीले क्वालिटीले बताए ।
स्थानीय उत्पादन कला संस्कृती, संरक्षण र प्रर्वद्धन हाम्रो अभियान भन्ने नाराका साथ मेलौली भवगती मन्दीको प्राङगणमा अगामी जेठ १ गतेदेखी १२ गतेसम्म महोत्वस आयोजना हुने जनाएको छ ।
महोत्सवमा लोकदोहोरी, हाँस्यब्यंग्य, स्थानीय लोक देउडा तथा नृत्य र सांस्कृतिक कार्यक्रम, स्थानीय उत्पादन, पर्यटक लक्षित संस्कृति भेषभूषा तथा ऐतिहासिक पुरातात्त्विक प्राकृतिक धार्मिक विभिन्न पर्यटकीय क्षेत्रको प्रवर्द्धन र प्रचार–प्रसार गर्ने उद्देश्यले महोत्सव आयोजना गरिएकाे जनाएकाे छ ।
महोत्वसमा गायक रामजी खाँड, पुष्कल शर्मा, महेश औजी, एलीना चौहान, रेखा जोशी, चक्र बम, सेरी औजी लागयतका स्थानीय कलाकाहरुको प्रस्तुती रहने आयोजकले जनाएको छ।
