बैतडी । सुदूरपश्चिम प्रदेशको बजेट फेरि पनि सीमित स्वार्थ समूह र पहुँचवालाहरूको प्रभावमा परेको भन्दै प्रश्न उठ्न थालेका छन्। जनताको आधारभूत आवश्यकता, विकास निर्माण, शिक्षा, स्वास्थ्य र रोजगारीलाई प्राथमिकता दिनुपर्ने बजेटमा वास्तविक जनसरोकारभन्दा व्यक्तिगत तथा समूहगत स्वार्थ हाबी भएको हो कि भन्ने गम्भीर आशंका पैदा भएको छ।
प्रदेशको समृद्धि र जनताको जीवनस्तर सुधार गर्ने उद्देश्यले विनियोजन गरिनुपर्ने बजेटमाथि सीमित व्यक्तिहरूको प्रभाव रहेको आरोप उठ्नु आफैँमा चिन्ताको विषय हो। जनताले तिरेको करबाट संकलित रकमको सदुपयोग सुनिश्चित गर्नु सरकारको दायित्व हो।
सुदूरपश्चिमको बजेट जनताको आवश्यकता पूरा गर्न खर्च भइरहेको छ कि पहुँचवालाको प्रभावमा योजना बाँडफाँट भइरहेको छ? यसको जवाफ सम्बन्धित निकायले तथ्य र प्रमाणसहित दिन आवश्यक छ।
