बैतडी -बैतडीको पाटन नगरपालिका–६ हिरापूर नजिक मोडमा जीप दुर्घटना भएको छ । धनगढीबाट दार्चुलाको मकरीगाडका लागि हिडेको म १ ज २६० नम्बरको जीप बिहान साढे ५बजे दुर्घटना भएको हो ।
जीपमा सवार ४ जना यात्रुहरुलाई सामान्य चोटपटक लागेको छ । अपिहिमाल गाउँपालिका दार्चुलाका पुर्व उपाध्यक्ष उर्मिला बोहरा, उनका श्रीमान करबिरसिंह बोहरा अन्य २ यात्रुहरु सामान्य घाइते भएकाछन् । यसैगरी शिक्षक ज्ञानेन्द्रसिंह कार्की र उनकै श्रीमतीलाई टाउकोमा चोट लागेको छ ।
जीप ७जना यात्रु बोकेर हिजो साझँ धनगढीबाट हिडेको थियो । सडक पेटीमा रोकिएका कारण दुर्घटनामा मानवीय क्षति हुनबाट जोगिएको छ ।
