बैतडी–बैतडीको पुर्चौंडी बहुमुखी क्याम्पसमा स्वतन्त्र विद्यार्थी युनियनको नेतृत्वका लागि तीनओटा विद्यार्थी संगठनहरुले प्यानलसहित छुट्टाछुट्टै उम्मेदवारी दर्ता गराएका छन् ।
स्ववियु सभापतिका लागि तीनवटा संगठनहरुबाट शुक्रबार तीन जनाको उम्मेदवारी दर्ता भएको निर्वाचन अधिकृत नवराज जोशीले जानकारी दिए।
सभापति पदका लागि अनेरास्ववियुबाट विष्णुदत्त अवस्थी, नेविसंघबाट उत्तरा महरा र अनेरास्ववियु क्रान्तिकारीबाट गीता भण्डारीको उम्मेदवारी दर्ता भएको छ। यस्तै सचिव पदमा अनेरास्ववियुबाट लक्ष्मी अवस्थी नेविसंघबाट सन्दिप भण्डारी र अखिल क्रान्तिकारीबाट कमल कुँवरको उम्मेदवारी दर्ता भएको छ। यस्तै कोषाध्यक्ष पदमा अनेरास्ववियुबाट बविता साउँद, नेवि संघबाट भागरथी कुमारी जोशी र अखिल क्रान्तिकारीबाट अनिषाकुमारी भट्टको उम्मेदवारी दर्ता भएको निर्वाचन अधिकृत जोशीले बताए ।
यस्तै अनेरास्ववियुबाट सदस्य पदका लागि पार्वती धानुक, सरीता बोहरा, मनोजप्रसाद भट्ट,सन्तोषी औजी र नरेश महराको उम्मेदवारी दर्ता भएको छ भने नेविसंघबाट अस्मिता बिष्ट, चाँदनीकुमारी बम, अस्मिता धनुषे, डम्मरबहादुर ऐर र केशव साउँदको उम्मेदवारी दर्ता भएको छ।यस्तै अखिल क्रान्तिकारीबाट कृष्णकुमार भण्डारी, लक्ष्मी धनुषे, लक्ष्मीकुमारी भट्ट, अनुष्का साउँद र रेखा भट्टले सदस्य पदमा उम्मेदवारी दर्ता भएको छ।
