बैतडी -बैतडीको दोगडाकेदार गाउँपालिका वडा नं–५ दोलीमा शनिबार फेला परेको अन्दाजी ३४ बर्षीय पुरुषको शव बाजुराको भएको खुल्नमा आएको छ।
जिल्ला प्रहरी कार्यालय बैतडीका अनुसार बाजुरा जिल्लाको खप्तड छेडेदह गाँउ पालिका वडा नं -६ मैतोलाका ३४ वर्षिय गोपाल नाथ भएको खुल्नमा आएको जिल्ला प्रहरी कार्यालय बैतडीले जनाएको छ।
मृतक नाथ कामको शिलशिलामा भारत तिर काम गर्न गएका र भारतबाटै आएको हुन सक्ने पारिवारिक श्रोतले जानकारी दिएको बुझिएको छ। मृतकका परिवारलाइ खबर गरिएको र शव जिल्ला अस्पताल बैतडीको शवगृहमा राखिएको छ।
शनिबार बिहान ८:३० बजेतिर मृतक नाथको शव दोगडाकेदार गाउँपालिका वडा नं–५ दोलीमा फेला परेको थियो।
