महेन्द्रनगर। कञ्चनपुरमा १२ वर्षीया किशोरीलाई जबरजस्ती करणी गरेको आरोपमा प्रहरीले २ जनालाई पक्राउ गरेको छ। पक्राउ पर्नेमा भीमदत्त नगरपालिका-१० का ४७ वर्षीय नरेश गिरी र भीमदत्त-९ का ४० वर्षीय हिरा नाथ रहेका छन्।उनीहरूले भीमदत्त नगरपालिका-१० स्थित बैजनाथ सामुदायिक वनभित्र लगेर ती किशोरीमाथि जबरजस्ती करणी गरेको भन्ने उजुरीपछि बुधबार दुवै जनालाई पक्राउ गरिएको हो। घटनाबारे थप अनुसन्धान भइरहेको जिल्ला प्रहरी कार्यालय कञ्चनपुरले जनाएको छ।
