दार्चुलाः दार्चुलामा खैरो हेरोईन र चरेशसहित ३ जना पक्राउ परेका छन्।जिल्लाको महाकाली नगरपालिका–४ बाङ्गाबगरबाट अवैध लागूऔषध खैरो हेरोईन ४ ग्राम ९५० मिलिग्राम र चरेश ३८ ग्राम १५० मिलिग्राम र डिजिटल तराजु थान १ सहित ३ जनालाई आइतबार साँझ प्रहरीले पक्राउ गरेको हो।पक्राउ पर्नेहरूमा दुहुँ गाउँपालिका–१ स्थायी घर भई हाल महाकाली नगरपालिका–४ बाङ्गाबगर बस्ने ३० वर्षीय रबि कुवर, नौगाड गाउँपालिका–१ दल्लेख बस्ने २२ वर्षीय देवेन्द्र चुनारा र व्यास गाउँपालिका–१ तिङकर बस्ने ३४ वर्षीय प्रलभ तिंकरी रहेका छन्।
रवि कुवँरको घरमा लागूऔषधको कारोवार भइरहेको छ भन्ने गोप्य सुचनाको आधारमा जिल्ला प्रहरी कार्यालय दार्चुलाबाट खटिएको प्रहरीले घर कोठा खानतलासी गर्दा उक्त पदार्थ फेला पारी उक्त पदार्थसहित तीनै जनालाई पक्राउ गरेको जिल्ला प्रहरी कार्यालय दार्चुलाले जनाएको छ।
