बैतडी:काठमाडौंमा जारी राष्ट्रपति रनिङ शिल्ड प्रतियोगितामा सुदूरपश्चिम प्रदेशको प्रतिनिधित्व गर्दै हाईजम्पतर्फ स्वर्णपदक दिलाउन सफल बैतडीको दोगडाकेदार गाउँपालिका ८ रोलेश्वर मावि कालागाउँमा अध्ययनरत छात्रा सुनिता पार्कीलाई दोगडाकेदार गाउँपालिकाले नगदसहित सम्मान गर्ने भएको छ ।
दोगडाकेदार गाउँपालिका अध्यक्ष चक्र कार्कीका अनुसार सुनितालाई रु १०५५५ नगदसहित सम्मान गरिनेछ ।
नगदसहित सम्मानका साथै सुनितालाई स्नातकोत्तर तहसम्म निःशुल्क अध्ययनको समेत गाउँपालिकाले व्यवस्था गर्नेछ ।
गाउँपालिकाले सुनिताले श्रीकोट बहुमुखी क्याम्पसमा उच्च शिक्षा हासिल गर्न चाहेमा आवासीयसहित स्नातकोत्तर तहसम्म निःशुल्क अध्ययनको व्यवस्था गर्ने अध्यक्ष कार्कीले जानकारी दिए।
