बैतडी ।बैतडीको पुर्चौंडी नगरपालिकाले आगामी आर्थिक बर्ष २०८३ /८४ का लागि ७३ करोड १३ लाख ७६ हजार रुपैयाँ बराबरको बजेट ल्याएको छ ।उपप्रमुख मीना धानुकको निर्देशनमा नगर प्रवक्ता धिरेन्द्र बमले उक्त बजेट नगर सभामा पेश गरेका हुन्। नगर सभामा पेश गरिएको बजेटमा आन्तरिक आयतर्फ ४० लाख ५० हजार विनियोजन गरिएको छ।
यस्तै संघीय राजस्व बाँडफाँडतर्फ १२ करोड १९ लाख १७ हजार, प्रदेश राजस्व बाँडफाँडतर्फ ३२ लाख १६ हजार, अन्तर सरकारी बित्तीय हस्तान्तरणतर्फ ४८ करोड ५६ लाख, प्रदेश सरकार अन्तरसरकारी बित्तीय हस्तान्तरणतर्फ ११ करोड ३६ लाख र चालु आर्थिक बर्षको मौज्दात ३५ लाख रुपैयाँ गरेर ७३ करोड १३ लाख ७६ हजार रुपैयाँ बराबरको बजेट ल्याएको प्रवक्ता बमले बताए।
