बैतडी,बैतडीमा बदेलका लागि थापेको पासोमा चितुवा फसेको छ । दशरथचन्द नगरपालिका ४ बिनासौँमा बदेलका लागि थापेको पासोमा चितुवा फसेको हो । आज बिहान स्थानीयहरुले चितुवा पासोमा फसेको देखेपछि प्रहरीलाई खबर गरेका थिए ।
मकै जोगाउन बदेलका लासिग थापेको पासोमा चितुवा फसेको डिभिजन वन कार्यालय बैतडीका प्रमुख भीम बहादुर कडेलले जानकारी दिए । चितुवाको उद्धारका लागि बर्दीया र सुक्लाफाटा राष्ट्रिय निकुञ्जबाट बिज्ञ टोली बोलाइएको उनले बताए । अहिले प्रहरीले घेरा हालेर सुरक्षा दिइरहेको छ ।
