बैतडी -बैतडीको पाटन ४ मा महिला स्वास्थ्य कर्मीमाथी अभद्र व्यवहारको आरोमा एक जना पक्राउ परेका छन् । पाटन ४ को भुमेश्वर स्वास्थ्य चौकीमा कार्यरत महिला स्वास्थ्य कर्मीमाथी अभद्र व्यवहारको आरोपमा पाटन ४ का लोकेन्द्र बहादुर महरा पक्राउ परेका छन् । उनलाई इलाका प्रहरी कार्यालय पाटनले आजदिउसो नियन्त्रणमा लिएको हो । स्वास्थ्यचौकी परिसर भित्र प्रवेश गरी महिला स्वास्थ्यकर्मीमाथी अभद्र व्यावहार गरेको आरोपमा उनलाई नियन्त्रणमा लिएको र यस विषयमा थप अनुसन्धान भइरहेको इलाका प्रहरी कार्यालय पाटनले जनाएको छ ।
