बैतडी:दार्चुला जिल्लाको शैल्यशिखर नगरपालिका वडा नं १मा पर्ने बलाँच बारिल सडक एक महिनादेखि अवरुद्ध भएको छ।
शैल्यशिखर नगरपालिकाद्वारा बलाँच भुंइकांडा सैनिबन सडक खन्ने क्रममा सडक अवरुद्ध बनेको लटिनाथ आधारभुत विधालयका प्रधानाध्यापक सुरेन्द्र बहादुर तितराले बताए।
सडक अवरुद्ध बनेपछि असक्त र जेष्ठ नागरिकहरुलाई सामाजिक सुरक्षा भत्ता र आम नागरिकहरुलाइ दैनिक उपभोग्य सामान लिन कठिनाइ भएको छ। एक महिनादेखि सडक अवरुद्ध हुँदा नगरपालिकाले सडक खुलाउन कुनै नदेखाएको प्रधानाध्यापक तितराले बताए।उता नगरपालिका उपप्रमुख सान्ति खडायतले सडक अवरुद्ध भएको जानकारी नभएको र सडक अवरुद्ध भए नगरपालिकाले यथाशिघ्र खोल्ने बताइन।
