बैतडी -बैतडीको पञ्चेश्वर गाउँपालिकाले दुइ दिन सार्वजनिक विदा दिएको छ। पञ्चेश्वरको प्रशिद्ध धुरा कैलपाल जात्राको अवसरमा गाउँपालिकाले दुई दिन सार्वजनिक विदा दिएको गाउँपालिकाले जनाएको छ।
पञ्चेश्वर गाउँपालिका वडा नं ४ मा रहेको धुरा कैलपाल मन्दिरमा लाग्ने जात्राको अवसरमा बिहीबार र शुक्रबार पालिकाभर सार्वजनिक विदा दिएको हो । मन्दिरमा बिहीबार रतेडी र शुक्रबार दिउँसेडी मेला लाग्ने गर्दछ।
प्रत्येक वर्ष मार्ग कृष्ण षष्ठी र सप्तमीका दिन यहाँ जात्रा लाग्ने गर्दछ।
