दोगडाकेदार गाउँपालिकाले पाँच वर्षमा भएका कामको विवरण सार्बजनिक गर्यो।

बैतडी: बैशाख १०बैतडीको दोगडाकेदार गाउँपालिकाले पाँच वर्षमा भएका कामहरुको विवरण सार्बजनिक गरेको छ । गाउँपालिकामा भएगरेका बिकास निर्माण तथा कार्यक्रमहरुको विवरण पत्रकार सम्मेलन नै गरेर सार्बजनिक गरेको हो । पत्रकार सम्मेलन माफर्त बिकास निर्माण तथा पालिकाको पहिचानसँग जोडिएका कार्यक्रमहरुको बारेमा जानकारी गराइएको थियो ।
पाँच वर्षको अवधिमा ८ वटै वडामा सडक पुगेको पालिकाले जनाएको छ । साना र झोलङ्गे गरी ११३ पुल निर्माण, बिद्यालय भवन खेल मैदान, भौतीक समाग्रीको ब्यवस्थापनमा पनि उल्लेखय काम भएको पालिका अध्यक्ष चक्र कार्कीले पत्रकार सम्मेलन मार्फत जानकारी गराए ।
स्वास्थ्यतर्फ पनि बर्थीङ सेन्टर देखि स्वास्थ्य सस्थाका १६ वटा संरचना निर्माण गरिएको जनाएको छ ।
बाटोघाटो निर्माणमा पनि पिसिसि र सोलिङ्ग गरी २८३ वटाका योजनाहरु सम्पन्न भएको पालिकाले जनाएको छ ।
सिचाई पोखरी, साना सिचाई, लिफ्टीङ सिचाई गरी ९२ वटा योजना निर्माण गरिएको पनि जनाएको छ ।
गरिब तथा आर्थिक अवस्था कमजोर भएका उपचार र राहात कार्यक्रम अन्तरगत ९२ जनालाई आर्थिक सहयोग गरेको जनाएको छ ।
यसैगरी १६० घरघधुरीलाई छाना मर्मत सम्भारको लागि ५० हजारका दरले आर्थिक सहयोग बितरण गरिएको छ ।
‘हाम्रो दोगडाकेदार राम्रो दोगडा केदार’ कार्यक्रममा कृषी लघुउद्यम तर्फ ३६२ वटा कार्यक्रमहरु भएका छन् ।
एकीकृत नमुना बस्ती निर्माण कार्यमा पनि १४ करोड बिनियोजन गरी कार्यान्वयन भएको पालिकाले जनाएको छ ।
प्रदेश र केन्द्र सरकारबाट पनि बिभिन्न काम भएको जनाउको जनाएको छ । दोगडा देउलेक पदमार्ग, राष्ट्रिय तथा अन्तराष्ट्रिय पर्यटकह भित्र्याउने स्थानिय सरकारको ३० प्रतिसत लगानी रहेको जनाएको छ । अहिले सरकार फेरबदल भइसकेपछि केन्द्रबाट रकम नआएको पनि पालिकाले जनाएको छ ।
पत्रकार सम्मेलनमा गाउँपालिका अध्यक्ष चक्र कार्की, उपाध्यक्ष पार्वती कार्की अन्य जनप्रतिनिधि, कार्यालय प्रमुख लगायत सञ्चारकर्मीहरुको सहभागिता रहेको थियो ।