बैतडी,
जिल्ला कारागार बैतडीबाट आज एक कैदीको बाकी कैद मिनाहा भएको छ । दशरथचन्द नगरपालिका ४ का गोपाल सिंह कार्कीको बाकी कैद मिनाहा भएको हो । उनि सवारी ज्यान मुद्धामा ३ वर्षे कैद भुक्तान गरीरहेका थिए । २०७८ मंसिर १० गते पक्राउ परी २०७८ मंसिर २९ गते ३ वर्ष कैदको फैसला सुनाईएको थियो । गणतन्त्र दिवसको अवसरमा उनको बाँकी कैद मिनाहा गरिएको जिल्ला कारागार बैतडीका प्रमुख धारा भण्डारीले जानकारी दिइन् । मन्त्रीपरिषदको सिफारिसमा राष्ट्रपति बिद्यादेवी भण्डारीले देशैभरका ८३४ जना कैदीको बाँकी कैद सजाय मिनाहा गरिएको छ ।
