बैतडी:बैतडीको पाटन नगरपालिका वडा नं -६ मा रहेको स्वर्गेनी पिपलधामामा महाँशिवरात्रीको अवसरमा मेला लाग्ने भएको छ। पौराणिक मान्यताअनुसार स्वर्गेनी पिपलधामामको दर्शन गरे मनोकामना पुरा हुने जनविश्वास रहिआएको छ।
विगतका वर्षहरुमा स्वर्गेनी पिपलधाममा भब्य मेला लाग्ने गरेको र पछिल्ला दिनहरुमा कम हुदै गएकोले मेला भव्य रुपले मनाउने तयारी गरिएको पाटन नगरपालिका वडा नं -६ का अध्यक्ष राजेन्द्र सिंह बिष्टले बताए। परापुर्वकालदेखीनै चलिआएको परम्परालाइ जोगाउन सबैको दायित्व भएको वडा अध्यक्ष विष्टले बताए।
साथै वडा नम्बर -६ले एक सुचना जारी गर्दै श्रद्धालु भक्तजनहरुमा मेलामा आउन आग्रह गरेको छ। स्वर्गेनी पिपलधाममा सुरुङ र माटोको पाइपहरुको अवशेष रहेको र हेर्न मिल्ने समेत बताए।
