काठमाडौँ । नेपाली कांग्रेसबाट समानुपातिक सांसदमा निर्वाचित अर्जुन नरसिंह केसीले प्रतिनिधि सभाको पहिलो बैठक सञ्चालन गर्ने भएका छन् ।सोमबार निर्वाचन आयोगले सार्वजनिक गरेको समानुपातितकर्फ निर्वाचित सूचीमा ७८ वर्षीय केसी सबैभन्दा ज्येष्ठ सांसद हुन् ।
केसीले बैठक सञ्चालन नगरेकाे अवस्थामा नेपाली कम्युनिस्ट पार्टी(नेकपा)का ७३ वर्षीय सांसद परशुराम तामाङले सञ्चालन गर्नेछन् । संविधानत: ज्येष्ठ सांसदले पहिलो बैठक सञ्चालन गर्छन्।
प्रतिनिधि सभाको सभामुख र उपसभामुखको निर्वाचन नभएको वा दुवै पद रिक्त भएको अवस्थामा प्रतिनिधि सभाको बैठकको अध्यक्षता उपस्थित सदस्यमध्ये उमेरको हिसाबले ज्येष्ठ सदस्यले गर्ने संविधानको धारा ९० को उपधारा ५ मा व्यवस्था छ।
