बैतडी,
बैतडीको दोगडाकेदार गाउँपालिकाले साढे ६४ करोड बजेट ल्याएको छ । आजको गाउँसभाबाट उपाध्यक्ष पार्वती कार्कीले अगामी आर्थिक वर्षको निति तथा कार्यक्रम सर्बजनिक गर्नु भएको हो । उनले आगामी आर्थिक वर्ष २०७९ ०८० मा ६४ करोड ६२ लाख ८२ हजार बजेट छुट्याएको बताइन् ।
निति तथा कार्यक्रममा कृषि, शिक्षा स्वास्थ्य, युवा स्वरोजगार लगायतका कार्यक्रमहरुलाई प्राथमिकता दिएको बताइन । मुख्यगरी, बाझो जमिनलाई सदुपायोगरी उत्पादनमा जोड दिने निति तथा कार्यक्रममा उल्लेख गरिएको छ ।
शिक्षा तर्फपनि उच्च शिक्षा अध्यान गर्ने दलित महिलाहरुलाई छात्राबृतीको ब्यवस्था गरिने जनाइएको छ ।
यसैगरी दोगडाकेदार ७ चडेपानीमा रहेको लवलेक खेलमैदानलाई भागरथी खेलमैदान नामाकारण गरिने निति तथा कार्यक्रममा उल्लेख गरिएको छ । उक्त खेलमैदान निर्माणधिन अवस्थामा छ ।
यसैगरी असक्त, अनाथ, असहाया र सुत्केरी महिलालाई निशुल्क एम्बुलेन्सको ब्यवस्था गरिने निति तथा कार्यक्रममा उल्लेख गरिएको छ ।
यसैगरी दोगडाकेदारमा १ ब्यक्ती २ बोट, १ गाउँ एक नर्सरी कार्यक्रम पनि अगाडी बढाईने उल्लेख गरिएको छ ।
शिक्षा तर्फकै हेलो दोगडाकेदार हामि बिद्यार्थी कार्यक्रम पनि लागु गरिने निति तथा कार्यक्रममा समाबेस गरिएका छन् ।
पर्यटन क्षेत्रहरुको प्रवर्धन गरिने र युवा लक्षीत कार्यक्रमलाई प्राथमिकतामा राखिने जनाइएको छ । देउलेक केदारलाई पर्यटन आगमन गन्तब्यको रुपमा बिकास गर्ने, निजि सहकारी र सरकारी लगानीमा साबुन उद्योग स्थापना गर्ने, एक वडा एक चक्रपथ रोड, एक टोल एक सडक र एक घर एक धारा, प्रत्येक टोलहरुमा पिसिसिबाटो निर्माण र नमुना कृर्षकहरुलाई पुरस्कारको ब्यवस्था पनि कार्यक्रममा समेटिएका छन् ।
प्रदेशका गौरवका योजनामा रहेका रिम सडक, कालागाउँ सडक, लवलेक खेलमैदानमा प्रदेश सरकारले बजेट कटौती गरेकोमा पालिका सरकारले दुख ब्यक्त गरेको प्रबक्ता दिनेश प्रशाद भट्टले जानकारी दिए ।
