बैतडी -बैतडीको पाटन नगरपालिकाले नगर भित्र सञ्चालन हुने योजनाहरुको उपभोक्ता समिति अध्यक्षमा महिला अनिवार्य हुनुपर्ने जनाएको छ ।
नगर कार्यपालिकाको बैठकले उपभोक्ता समितिको प्रमुख पदमा महिला अनिवार्य हुनुपर्ने निर्णय गरेको नगर उपप्रमुख कमलसिंह बोहराले बताए । नगर कार्यपालिकाको पहिलो बैठकले उक्त निर्णय गरेको उनको भनाई छ ।
उपप्रमुख बोहराले भने,‘योजनाको अधिक्तम लाभाग्राही महिला नै हुन्छन् । खानेपानी, बाटो, बर्थिंग सेन्टर जे बनाएपनि त्यसको बढी प्रयोगकर्ता महिला नै हुन्छन् । त्यसैले निर्माणको जिम्मेवारी समेत उनिहरुलाई दिदाँ काम भरपर्दो हुन्छ । यसका साथै महिलाहरु इमान्दरीताका साथ काम गर्छन् भने, काम गर्दा उनिहरुको क्षमताको अभिवृद्धि समेत हुने भएकाले यस्तो निर्णय गरेका हौँ ।
उपभोक्ता समिती गठनका क्रममा आफुहरु फिल्डमै उपस्थीत भई महिलालाई अध्यक्ष बनाउन पहल गर्ने नगर उपप्रमुख बोहराले बताए ।
