बैतडी-बैतडीको डिलासैनी गाउँपालिकामा जिप दुर्घटना भएको छ । गोकुलेश्वरबाट डिलाशैनी गाउँपालिकाको केन्द्र धामीगाउँ जाँदै गरेको सु.प.प्र. ०१ ज १३९७ नम्बरको जिप आज बिहान करिब ११ बजेको समयमा डिलासैनी ५ को लठ्ठेकोटमा दुर्घटनामा परेको हो ।
दुर्घटनामा परी ५ जना घाइते भएका छन् । उनिहरुको परिचय खुल्न बाकी छ । घाइतेहरुलाई स्थानीयले उद्धार गरी उपचारका लागि गोलेश्वर अस्पताल पठाइएको छ । जिप सडकबाट करिब ८० मिटर तल खसेको छ ।
