-बैतडीको पञ्चेश्वर गाउँपालिका ४ फ्याउलीकी २१ वर्षीया माया लुहारको हत्या अभियुक्त सशस्त्र प्रहरी जवान समेत रहेका शिवनाथ ४ सोल्पलाका भरतराम कोलीमाथी अनुसन्धानका लागि दोश्रो पटक म्याद थप गरिएको छ । जिल्ला प्रहरी कार्यालय बैतडीका अनुसार दोश्रो पटक म्याद थप गरिएको हो ।
१९ गते पहिलो पटक १० दिनका लागि म्याद थपिएकोमा फेरी दोश्रो पटक पनि १० दिनका लागि म्याद थप गरिएको जिल्ला प्रहरी कार्यालय बैतडीका प्रबक्ता, प्रहरी निरिक्षक लोकराज अवस्थीले जानकारी दिए । पहिलो पटक मंसिर १९ गते अदालतबाट १० दिनका लागि म्याद थपिएकोमा मंसिर २९ मै म्याद सकिएको हो । अब फेरी १० दिन म्याद थप गरिएको छ ।
सशस्त्र प्रहरी जवान समेत रहेका कोलीले मायालाई शिवनाथ गाउँपालिका ६ को नेपाल टेलिकमको टावर नजिकै बोलाएर हत्या गरेका थिए भने मायासँगै आएकी नेहा लुहार घाइते अवस्थामा भेटिएकी थिइन् ।
त्यसपछि कोलीको नाममा मृतक मायाका आफन्तले उजुरी दिएका थिए । कोलीलाई १८ गते कञ्चनपुर प्रहरीले महेन्द्रनगर बसपार्कबाट नियन्त्रणमा लिएको थियो । सशस्त्र प्रहरी जवान समेत रहेको भारराम कोलीले हत्या गरेको स्वीकार गरीसकेको प्रहरी श्रोतले जनाएको छ ।
