बैतडीको मेलौलीमा(क) श्रेणीको इ.प्र.का.स्थापना हुदैँ

✍️ बैतडी बुलेटिन प्रकाशित मिति २०७८ पुष ३०, शुक्रबार ०९:११ 176

बैतडी:पौष३०
बैतडीको मेलौलीमा (क) श्रेणीको इलाका प्रहरी कार्यालय स्थापना हुने भएको छ । मेलौली नगरपालिका र जिल्ला प्रशासन कार्यालय बैतडीको सिफारिसका आधारमा मेलौलीमा रहेको तस्वदेही प्रहरी कार्यालय स्तरोन्नती गर्न गृह मन्त्रालयले निर्णय गरेको हो ।

२०१६सालमा स्थापना भएको उक्त प्रहरी कार्यालयले हाल सम्म तल्लोसोराड क्षेत्रका ३स्थानियतहहरु मेलौली नगरपालिका, शिवनाथ गाउँपालिका र पञ्चेश्वर गाउँपालिकामा शान्ती सुरक्षा प्रदान गर्दै आएको छ ।

उक्त इलाका प्रहरी कार्यालय(क) वर्गमा स्तरोन्न्ती भएमा प्रहरी निरिक्षकको समेत दरवन्दी हुनेछ । उक्त प्रहरी कार्यालयलाई स्तरोन्न्ती गर्नका लागि विगतदेखी बैतडीका सरोकारवाला निकायले पटक पटक माग गर्दै आएका थिए ।

मेलौली नगरपालिकाका साथै तल्लोसोराड क्षेत्रका राजनितिकर्मीहरुले बेलाबेलामा इप्रकाको स्तरोन्नतीका लागि पहल गर्दै आएको नेपाली कांग्रेसका प्रदेश सदस्य तेजबहादुर चन्दले बताउनुभयो । पटक पटक लिखित र मौखिक पहल गरेपछी गृहमन्त्री बालकृष्ण खाँडले उक्त प्रहरी कार्यालयलाई स्तरोन्न्तीका लागि निर्देशन दिएको नेता चन्दले बताउनुभयो ।

यसअघि मेलौली ५ घर भएका नेकपा एमालेका केन्द्रीय सदस्य तथा बैतडी इन्चार्ज पुरनसिंह दयाल सभाषद भएका बखतदेखि प्रहरी कार्यालय स्तरोन्नतीको माग गर्दै आउनुभएको थियो ।

बिगतमा (ख)श्रेणीका रुपमा रहेको तस्वदेही इलाका प्रहरी कार्यालयलाई स्तरोन्न्ती गर्न गतबर्षको फागुनमा जिल्ला सुरक्षा समितिको बैठकले निर्णय गरेको बताइएको छ । उक्त निर्णय र सिफारिसका आधारमा संरचना निर्माण गर्न पत्र प्राप्त भएको जिल्ला प्रशासन कार्यालयका सुचना अधिकारी खगेन्द्र भारतीले बताउनुभयो । ७६ हजार बढी जनसंख्या रहेको तल्लो सोराड क्षेत्रको मेलौली र पुर्चौडी हाटमा इप्रका निर्माण गर्ने निर्णय गरिएको उहाँले बताउनुभयो ।

इलाका प्रहरी कार्यालयको स्तरोन्न्ती भएमा तल्लोसोराडबासीलाई घर नजिकै प्रशासनिक सेवा लिन सहज हुने मेलौली नगरपालिकाका नगरप्रमुख कृष्णसिंह नायकले बताउनुभयो ।