बैतडी,
बैतडीको पञ्चेश्वर गाउँपालिका–४ फ्याउलीकी माया लुहारको परिवारलाई गाउँपालिकाको तर्फबाट आर्थिक सहयोग गरिएको छ । गाउँपालिका उपाध्यक्ष बिना भट्टल मृतक माया लुहारको परिवारलाई २ लाख ५० हजार रुपैयाको चेक हस्तान्त्रण गर्नु भएको हो ।
यसअघि पनि घाइते भएकी नेहाको उपचार खर्च बाफत ५० हजार आर्थिक सहयोग गरेको थियो । त्यसैगरी गाउँपालिका उपाध्यक्ष बिना भट्ट, केहि वडा अध्यक्ष र कर्मचारीहरुले व्याक्तिगत तर्फबाट ६३ हजार रुपैया समेत पिडित परिवारलाई हस्तान्त्रण गरिएको गाउँपालिका उपाध्यक्ष भट्टले बताइन् ।
सशस्त्र प्रहरी समेत रहेका शिवनाथ गाउँपालिका ४ का भरतराम कोलीले माया लुहारको हत्या गरेका थिए भने नेहा लुहारलाई घाटीमा चक्कु प्रहार गरी गम्भिर घाइते बनाएका थिए । उनलाई पुर्वक्षका लागि कारागार चलान गरिएको छ ।
