बैतडी -बनभोज मनाउन गएका बेला मृत फेला परेका दशरथचन्द नगरपालिका–१० खडेनीका जीवन बुडालका आफन्ले शव नबुझ्ने अडान लिएका छन् । शनिबार दशरथगचन्द नगरपालिका ६ स्थित चौलानी नदीमा बुडाल मृत फेला परेका थिए । घटनाको ठोस अनुसन्धान नभएसम्म शव नबुझ्ने अडान लिएका हुन् । मृतक बुडालकी श्रीमतीले पिकनिक बनाउन बुडालसँगै गएका अन्य १२ जनाको नाममा किटानी जाहेरी समेत दिएकी छन् । घटनाको ठोस अनुसन्धान हुनुपर्ने माग राख्दै किटानी जाहेरी दिएको र शव समेत नबुझ्ने अडान लिएको मृतकका आफन्त(भिनाजु) प्रकाश बोहराले जानकारी दिए ।
शव जिल्ला अस्पताल बैतडीको शव गृहमा राखिएको छ । पोष्टमाटम भइसकेको र रिर्पाेट आउन बाँकी रहेको जिल्ला प्रहरी कार्यालय बैतडीका सूचना अधिकारी प्रहरी निरिक्षक लोकराज जोशीले जानकारी दिए । घटनाबारे प्रहरीले अनुसन्धान भइरहेको उनले बताए ।
