बैतडी, बैतडीको सुर्नया गाउँपालिका– २ मा रहेको नेपाल राष्ट्रिय माविको परीक्षा केन्द्रमा एक जना किरियापुत्रीले एसइईको परीक्षामा सहभागिता जनाएका छन् । पाटन नगरपालिका–४ का किशोर महरा बुवाको किरिया बसिरहेकै अवस्थामा परीक्षामा सहभागि भएका हुन् । उनले २२ गतेसम्म किरिया बसिरहेकै अवस्थामा परीक्षा दिएका हुन् ।
किशोरका बुवाको भिरबाट लडेर चैत्र १२ गते निधन भएको थियो । ११ दिनसम्म किरिया बस्ने हिन्दुधर्मको संस्कार अनुसार उनी ११ दिनसम्म किरिया बसेको र उक्त अवधिमा किरिया बसेरै परीक्षामा सहभागि भएको नेपाल राष्ट्रिय माविले जनाएको छ ।
उनी भुमेश्वर मावि ठाँडमा अध्ययनरत हुन् । काका रमेश महरासँग उनी परीक्षा दिन परीक्षा केन्द्र जाने गरेका छन् ।
