बैतडि:माँघ ७जिल्ला प्रशासन कार्यालय बैतडीले आजबाट बार अनुसार सेवा प्रदान गर्ने भएको छ। जिल्लामा कोरोना संक्रमित बढ्दै गएपछि प्रशासन कार्यालयले माघ ७ गतेबाट बारअनुसार सेवा प्रदान गरिने जनाएको हो।
पञ्चेश्वर गाउँपालिका र शिवनाथ गाउँपालिकाका नागरिकहरुलाइ आइतबार, मेलोली नगरपालिका र सिगास गाउँपालिकाका नागरिकलाइ सोमबार, दोगडाकेदार गाउँपालिका र डीलाशैनी गाउँपालिकाका नागरिकलाइ मंगलबार सेवा प्रदान गरिने जनाइएको छ। यस्तै बुधबार सुर्नया, बिहीबार पाटन नगरपालिकाका नागरिकहरुलाइ र शुक्रबार दशरथचन्द नगरपालिकाका नागरिकहरुले सेवा पाउने छन् । यस्तै पुर्चौडी नगरपालिकाको हकमा इलाका प्रशासन कार्यालयबाट सेवा प्रदान हुने छ । कोरोना संक्रमण जोखीमका कारण प्रशासनले बारअनुसार सेवा प्रदान गर्न लागेको जिल्ला प्रशासन कार्यालय बैतडीका सूचना अधिकारी खगेन्द्र भारतीले जानकारी दिनुभयो ।
सेवा लिदा खोप कार्ड अनिवार्य गरिएको भन्दै उहाँले सेवा लिन आउदा स्वास्थ्य सुरक्षाका मापदण्डहरुको पालना गरेर आउन सबैलाइ आग्रह गर्नुे भएको छ । सार्वजनिक ठाउँमा कोरोनाविरुद्धको खोप कार्ड अनिवार्य गर्ने सरकारी निर्णय आजदेखि लागू भएको छ
