बैतडी, २९ मंसिर
बैतडीको दोगडाकेदार गाउँपालिका वडा न. ७ चडेपानीमा रहेको भुमिराज माध्यमिक विद्यालयको ४८औँ बार्षिकोत्सव तथा अविभावक दिवस आज सम्पन्न भएको छ । विभिद सांस्कृतिक कार्यक्रम तथा उत्कृष्ट बिद्यार्थीहरुलाई पुरुस्कार वितरण गरि बार्षिकोत्सव मनाइएको हो ।
विद्यालय व्यवस्थापन समिति अध्यक्ष महादेव भट्टको अध्यक्षतामा भएको कार्यक्रमका प्रमुख अतिथी दोगडाकेदार गाउँपालिका अध्यक्ष चक्र कार्कि रहनुभएको थियो भने, नेकपा एमालेका पालिका कमिटि अध्यक्ष काशिसिंह बिष्ट विशिष्ट अतिथी रहनुभएको थियो ।
कार्यक्रममा विद्यालयका निमित्त प्रधानाध्यापक महेश सरण भट्टले १ करोड २० लाख रकम बराबरको आर्थिक तथा शैक्षिक प्रतिवेदन पेश गर्नुभएको छ । कार्यक्रममा बोल्दै गाउँपालिका अध्यक्ष चक्र कार्कीले भुमिराज माविलाई नमुना विद्यालय बनाउन पहल गर्ने बताउनुभएको छ ।
