बैतडी -बैतडीमा भरुवा बन्दुकसहित एक जना पक्राउ परेका छन् । दोगडाकेदार गाउँपालिका १ रिमका ४५ वर्षीय विष्णु सिंह साउँदलाई सोही गाउँपालिका २ मल्लाढीकबाट पक्राउ गरिएको जिल्ला प्रहरी कार्यालय बैतडीले जनाएको छ ।
गोप्य सूचनाको आधारमा साउँदलाई बन्दुक बोक्दै हिनिरहेको अवस्थामा पक्राउ गरिएको जिल्ला प्रहरी कार्यालय बैतडीका सूचना अधिकारी प्रहरी निरिक्षक योगेश खत्रीले जानकारी दिए ।
साउँदको साथबाट ७१० ग्राम बारुद र भरुवा बन्दुक नियन्त्रणमा लिएको उनले बताए । भरुवा बन्दुक २०६६ सालदेखि नविकरण नगरेको खुल्न आएको उनले बताए । यसबारे थप अनुसन्धान भइरहेको प्रहरीले जनाएको छ ।
