बैतडी: चैत्र २२नेकपा एमाले बैतडीलेअगामी बैशाख ३० गते हुन गइरहेको स्थानिय तहको निर्वाचनका लागि आज वडाअध्यक्षका उम्मेद्वार छनौट गर्ने भएको छ । वडा अध्यक्षको उम्मेद्वारहरुको टुङ्गो लगाउन आज वडा कमिटिको बैठक बस्दै छ ।वडा कमिटिले उम्मेद्वार छनौट गर्न नसकेमा आकांक्षिहरुको नामावली र रायसहित जिल्ला कमिटिलाई पेश गर्ने छ ।आजको बैठकले सकेसम्म सर्बसहमतीबाट उम्मेद्वार छनौट गर्ने प्रचार तथा प्रकाशन बिभाग प्रमुख लोकेन्द्र भण्डारीले बताए । पाँच दलिय गठबन्धनको बिरुद्ध लड्नु पर्ने भएकाले रणनैतक योजनाका साथ अघि बढेको प्रचार बिभाग प्रमुख भण्डारीले बताए । यसैगरी २४ गते गाउँपालिका अध्यक्ष र उपाध्यक्ष तथा नगरपालिकाका प्रमुख र उप प्रमुखको उम्मेद्वारको टुङ्गो लगाउन गाउँ तथा नगर कमिटिको बैठक बस्ने छ । यदि पालिकाको बैठकले अध्यक्ष उपाध्यक्ष तथा नगर प्रमुख तथा उप प्रमुखका उम्मेद्वारहरुको टुङलगाउन नसकेमा प्रदेश कमिटिको बैठकले उम्मेद्वारको टुङ्गो लगाउने छ ।त्यसैगरी यहि चैत्र ३० गते जिल्ला कमिटिको बैठक बस्ने छ । वडा पालिकामा अध्यक्षको उम्मेद्वारको टुङ्गो नलागेका वडाहरुका उम्मेद्वारहरुको टुङ्गो जिल्ला कमिटिको बैठकले लगाउने योजना रहेको नेकपा एमालेका जिल्ला कमिटि उप सचिव लोकेन्द्र भण्डारीले जानकारी दिएका छन्।
