बैतडी -बैतडीको सिगास गाउँपालिका–४का बेपत्ता भएका दुई बालक पाँच दिनपछि फेला परेका छन ।
यही चैत्र १२ गतेदेखि नै घरबाट विद्यालय जान्छु भनी हिडेका अन्दाजी १३ वर्षीय हरिश धामी र अन्ताजी ९ वर्षीय गणेश धामी शनिबार बिहान आफन्तको घरमा पुगेका हुन् ।
सिगास गाउँपालिका-१मा रहेका आफन्त खडक सिंह धामीको घरमा शनिबार आफै फर्किएर आएका गाँजरी प्रहरी चौकीले जनाएको छ ।
गत सोमबार बिहानै विद्यालयमा प्रयोगात्मक परीक्षा दिनभनी हिडेका थिए ।
सोमबार घरबाट हिडेका उनिहरु मंगलबार साँझ जिल्लाको पाटन नगरपालिका–८ स्थित ज्याफूको एक पसलमा बसेका थिए । त्यहाबाट पनि भोलिपल्ट बिहानै भागेका दाजुभाइ आज आफै फर्किएर आएको आफन्त खडक सिंह धामीले जानकारी दिए ।
