✍️✍️
मेरा गौँका दु:खा हन हो कुरा सुण खास
खेतो पातो अन्न बाली सारा पाण्यो नास
नत मिल्लो दाल दिउली नत चोसा मोसा
नत हात गौँका बाला नत घोगा कोसा
रुन आउँछ डुटाट हाली गणा खुनला गया
सणा सुङर गुना बानर नखान दिन्या भया
जोत्यो जात्यो गोड्यो नेल्यो मेहेनत गर्यो!
छाड्डी चाल अन्न पात किनि खान पर्यो
बनको छन्या आइबर बनाइ दिन्छ लेतो
कभै हात नपड्या भ्यो खेत लाया खेतो
बन गोठला गोर बकरा नै शीत चरि दिना
सुङर पन मेरा गौँत मान्सै सित ढिमिना
बन्धुक्यानका बन्धुक पनि सबै थुती दिया
सुङर सणा काकण घोरण तबै झिक मात्तिया
नियम कानुन बनुन्या मान्सौ यित्तित जाणिद्य
कि यिनरो ब्यबस्था अर्द्य कि बन्धुक हान्णद्य
पारस भट्ट( प्यासी) मेलौली दुई सुन्दर भुमी सेलि बैतडी
