बैतडी पुस १७
प्रधानमन्त्री कप राष्ट्रिय क्रिकेट प्रतियोगिताको सुदूरपश्चिम प्रदेशस्तरीय छनोट खेलमा बैतडीले सानदार जित हासिल गरेको छ । आज भएको पहिलो खेलमा डोटीलाई १ सय ९९ रनको बिशाल अन्तरले हराएको हो । ३५ ओभर खेलाइएको खेलमा बैतडीले निर्धीरत ३५ आरभरमा ५ बिकेट गुमाएर ३ सय ४० रनको बिशाल लक्ष पेश गरेको थियो ।
बैतडीका लागि दिपक बोहराले १ सय १२ रनको सतकिय पारी खेलेका थिए । गजेन्द्र बोहराले ९० रनको योगदान दिए भने लोकेन्द्र चन्द ६४ रनमा अबिजित रहे । डोटीका सबिन बोहराले २ बिकेट र भोजराज भट्टले एक बिकेट, हात पारेका हुन् । ३४१ रनको लक्ष पच्छ्याएको डोटीले ३२ . ४ ओभरमा १४१ रनमा अल आउट भएको हो ।
डोटीलाई सस्तैमा समेट्न बैतडीका बिरेन्द्र नाथले ५ तथा जगदिश चन्दले २ बिकेट हात पारेको बैतडी क्रिकट संघका कोषाध्यक्ष खेमराज भट्टले जानकारी दिनुभयो ।
प्रदेशस्तरीय छनोट प्रतियोगिताबाट सुदूरपश्चिम प्रदेशको टोली बनाइनेछ। उक्त टोलीले प्रधानमन्त्री कप राष्ट्रिय क्रिकेट प्रतियोगितामा सहभागिता जनाउनेछ । नेपाल क्रिकेट संघको आयोजनामा प्रधानमन्त्री कप राष्ट्रिय क्रिकेट प्रतियोगिता पुस २५ गते काठमाडौंमा शुरु हुँदैछ
