बैतडी -केही दिनअघि लगातार घटेको सुनको भाउ फेरि बढ्न थालेको छ । सुन मूल्य तीन दिनयता लगातार बढिरहेको छ । नेपाली बजारमा मंगलबारको तुलनामा बुधबार सुनको भाउ तोलामा ९ सय रुपैयाँले बढेको छ ।नेपाल सुनचाँदी व्यवसायी महासंघका अनुसार बुधबार सुनको भाउ प्रतितोला १ लाख ६३ हजार रुपैयाँ कायम भएको छ ।
मंगलबार भने सुनको प्रतितोला १ लाख ६२ हजार १ सय रुपैयाँ मा किनबेच भएको थियो । सोमबार भने सुनको भाउ १ लाख ६१ हजार रुपैयाँ थियो । आइतबार भने सुनको तोलाको १ लाख ६० हजार रुपैयाँमा किनबेच भएको थियो ।
अन्तर्राष्ट्रिय बजारमा देखिएको उतारचढावले नेपाली बजारमा पनि प्रभाव पारेको छ । नेपाल सुनचाँदी व्यवसायी महासंघले कात्तिक १५ मा प्रतितोला भाउ १ लाख ७१ हजार रुपैयाँ निर्धारण गरेको थियो । यो मूल्य अहिलेसम्मकै उच्च थियो ।
त्यस्तै मंगलबारको तुलनामा बुधबार चाँदीको भाउ ५ रुपैयाँले घटेको छ । बुधबार नेपाली बजारमा चाँदीको भाउ १ हजार ९ सय ५० रुपैयाँ कायम गरिएको छ ।
